كوارث الطفولة

Guest

السلام عليكم

ازيكم ياشباب

وانا اعدا كدا فى امان الله كنت بفكر فى حياتى والكوارث اللى حصلتلى اللى مش هنساها عمرى

وقولت لازم اعمل موضوع فى المنتدى
كل واحد فينا يقول مصيبة حصلتله وهو صغير وعمره مهينساها
مصيبة عاملها وادت لكارثة
موقف حصله وحش ومش بيتنسى

كدا يعنى وبما ان المنتدى كله غربان اكيد هيبقا النحس من الصغر يعنى

مستنيا قصصكم وانا كمان هبقا احكى معاكم

Subject: Re: كوارث الطفولة 6/7/2010, 3:03 am

مش كوارث قد ما كانت مواهبي و حبي للتجارب ال كانت في كتاب العلوم و بما يلي بيان باهعمها
1-مرة كانت عندي طيارة بتشتغل بالبطارية و كان عندي 8 سنين بالظبط و كنت وقتها في سنة رابعة(لاني داخل سنة اولي ابتدائي 5 و نص) المهم فكيت الطيارة و جربت مرة اشغلها من غير لمبة و مرة اشغلها ببطاريات كبثيرة لحد ما جاتلي الفكرة الكبيرة و قلت اشغلهها بالكهربا..و بالفعل شديت السلك من البطارية و حطيته في الفيشة و طاخ..بس محصليش حاجة

2-ننتقل الي مواهب اخري..و هي اني مرة و انا عندي 9 سنين لاقيت قدامي مقص فجربت الحلاقة في اخويا الصغير و بوظتله شعره..اليوم دا انا اخدت ضرب مأخدوش حمار في مطلع

طول ابرز حاجتبن في حياتي لاني كنت
طفل ذكي و مبعملش بلاوي او مصايب من الحاجات ال بيعملها الاطفال..و هتندهشي لما اقولك ان كنت بكون في البيت لوحدي انا و اخويا منن سن 7 سنين و هو 4 سنين.مع اخد كافة الاحتياطات الكافية منها سد الفيش و قفل المطلخ عشان البوتجاز و النار..و التلاجة كانت بتبقي برا
و شكرا

و منتظرين كوارثك يا روشا لانك يا اما هتحكيلنا عن كوارثك الشخصية او عن كوارث فرح و فارس
هههههههه

Guest

ههههههههه
كوارث لذيذة ياهوبا بس مش كوارث اوى وعاجبنى اوى فكرة التجارب دى
انا فعلا اقصد كدا اه
بس نزود عليهم الكوارث الطبيعية حدثة او وقعه جامدة ادت لفزع الاهل وفزع الطفل وادت الى جرح كدا يعنى
ومبسوطة انك اول واحد يرد على التوبك

Guest

اكيد هحكى عنى بعدين عن فرح وفارس لان فرحدى بقا كارثة فعلا زى بالظبط

Guest

بعد كل واحد هيرد هقول كارثة من عندى اوكى

وبعد هوبا دى اول كارثة حصلتلى نبداء من الاول
المكان : كامب شيزار
الوقت : 1 باليل فى الشتاء
الزمان : 1-1-1994
ملحوظة يومعيد ميلادى الرابع

الاجواء اعدين فى البيت انا واخواتى وماما وكان عندنا عمتو وابنها كبير وبنت عمتى ندى اصغر منى ب9 شهور
لعب وهزار والدنيا زى الفل بعدين عمتو وعيالها نزلوا عشان يروحوا
شوية واتصلوا بينا عايزين كشاف عشان عجله العربية نامت ومش شايفين يغيروها
نزلت اختى الكبيرة ريم وانا طبعا فى دلها على طول
ادينا لابن عمتى الكشاف ولقينا عمتو وندى اعدين على الكرنيش (عشان احنا ساكنين قريب من البحر )

خلونى الاول افكركم بالكرنيش وشكل المكان فى هذة الايام

الشارع ضيق اتجاهين بس فى كل اتجاه خنتين للعربية كان ليسة صغير يعنى
اما الكورنيش نفسه فكان عبارة عن رصيف صغير وسور صغير وبعد السور فى مساحة ثم كباين وبعد الكباين فى الرملة وطبعا بعد كدا المايا

والساعة و1 باليل فى الشتا فى السنة دى مكنش فى نفر فى الشارع

نرجع للقصة
انا و اختى ماشين ادينا الكشاف لابن عمتى وعدينا اول خانة من الشارع ونص التانية وبعدكدا

هوب سيبت ايد اختى واجريت على ندى وعلى البحر
وفجاة لقتنى بخبط فى حاجة بيضة وبعد كدا لقتنى فى حتة طالمة موووووووووت وفيها زبالة وازايز ودهرى مش قدرى افرده ووجعنى اول
بس اللى خلانى اقوم واقف انى سمعت صويت صويت صويت
صويت عمتو وندى وريم وزعيق ابن عمتى
عمتو بتصوت تقول حراااااااااااااااااااامى
وندى وريم بينادوا عليا
وابن عمتى بيزعق فيهم

اعد انادى عليهم وقولهم انى هنا وفضلت اعافر وامشى فى اتجاه السلم متستغربوش ايوة فى سلم
اصلى وقعت من سور البحر ومحدش اخد بالوا فوق ههههههههههههه

المهم فضلت ماشية ماشية لحد موصلت لاول السلم لقيت ابن عمتى نازل جارى شالنى وطلعنا

بس الغرييبة انهم صوتوا اكتر لما شفونى لان القميص بتاع ابن عمتى اتحول من لبنى فاتح لاحمر
اكيد يعنى طفلة عبيطة وقعت بين الكباين وسور البحر زرع بصل على دماغها اكيد دماغها اتفتحت
ودا اللى حصل جرى طبعا على المستشفى بس اكتر حاجة ضايقتنى انهم قصولى شعرى عشان يعرفه يخيطوا طبعا

غير كدا انهم ملقوش ولا عرق فى ايدى عشان يركبولى محلول واضطروا يركبوا فى رجلى
بس كنت زعلانة اوى عشان العونى الجذمة بتاعتى الجديدة بتاعت المدرسة واخدوها

طبعا مش هقولكم ان الجرح كان كبير وان اختى كانت منهارة وماما كانت اعدا مستنيانا فى البيت عشان يقولولها انى موت

طبعا الجرح لسة معلموكبير لحد دلوقتى وليسة دهرى بيوجعنى من يوم هذة الوقعة
ودى تعتبر اكبر كارثة فى حياتى واللى ليها اثرها الجانبية حتى الان

الى اللقاء فى كارثة جديدة من كوارث روشا

Guest

انتى حتعملى عندك كوارث وتصيعي عليا ( من باب ان كلمه حاجه صايعه دى يعنى جامده زى متوبيك هوبا بيقول) لا يا ماما ادهم ف المنتدى

انا حسخن كدا بالصلى ع النبي

وانا عندى حوالى 5 او 4 سنين كنت قاعد ع البحر وماما وبابا باصنلى وكان معايا زجاجه حاجه ساقعه
واحد حب يظهر معايا ويلاعبنى زى اى طفل بيتعاكس
رحت مديله بالازازه ف دماغه ...اتفتحت
ودى كانت بدايه رحلتى مع الدم والمصايب والاذيه

Guest

ههههههههههه
انا بصيع ياادهم اخص عليك والله
بس بجد انت مصيبة
فتحت دماغ الراجل ينهار ابيض عليك
بجد مش قدرة ابطل ضحك
ههههههههههههههههههههههههههههههههههههههه
والراجل عمل اية وبابا وماما عامله اية ؟؟؟؟؟؟؟؟
ههههههههههههههههههه

Guest

راح عيط لامه زى الاهبل امه جت تشوف مين اللى ضربه لقت عيل صغير اللى هوا انا ,,,,,,,,,,,,راحت واخداه وماشيه
طبعا انا مش فاكر حاجه كل ده بيتحاكالى ( ماعادا منظر الدم ف الازاجه وانا عادى ولا ف الدماغ

Guest

هههههههههههههههههههههههههههه بجد مش قادرة امسك نفسي من الضحك من كارثة ادهم

وانتي يا روشا الحمد لله انها جت على اد كدا

وانت يا ايهاب ذنب اخوك ايه كنت جرب في نفسك ههههههههههههههههه

بجد فعلا كان لينا كوارث واحنا صغيرين

انا والحمد لله مكنش ليا كوارث كتير كلها كانت حاجات عادية

بس وانا صغيرة خالص حوالي 4 سنين تقريبا او اقل وفاكرة اليوم دا كأنه امبارح كنت حموت واعرف ايه اللي جوا الفيشة وازاي اول ما ادخل حاجة فيها التليفزيون يشتغل وكل حاجة تشتغل
فجيت في يوم ماما كانت في المدرسة لانها مدرسة وبابا في الشغل واخواتي جوا بيلعبوا وماما كانت بتجيب واحدة تقعد معانا المهم سيبتهم مشغولين وجبت دبوس الشعر دا لقيته قدامي ورحت فاتحاه بحيث اني ادخلهم في الخرمين بتوع الفيشة دول ومجرد ماحطيتهم اتكهربت جامد اوي وطبعا سيبت الدبوس واتحشر جوا وانا عايزه اطلعه قبل ما ماما وبابا ييجوا ويبهدلوني فكل شوية احاول اطلعه اتكهرب فقعدت افكر اعمل ايه فرحت جبت فوطة ومسكت بيها الدبوس واشد لحد ما طلع وكنت خايفة اويييييي الا بابا يجي ويشوف اللي انا عملته والحمد لله عدى على خير ومحدش يعرف الحكاية دي الا انتم

تاني حاجة برضو بس المرة دي كنت قاعدة انا واختي الصغيرة لوحدينا فتحت التلاجة وحموت برضو واعرف التلج اللي في الفريزر بيتكون ازاي وفتحت التلاجة و اتشعبطت في التلاجة من جوا وسندت على بتاعه كدا في التلاجة بتجمع الماية كدا في تلاجات زمان دي وقعدت اتفرج واحط ايدي بقى في التلج فوق والماية تحت وفجأة كنت حقع ومسكت في البتاعة اللي بتجمع الماية دي وراحت واقعة في الارض والشقة اتغرقت ماية ولحسن الحظ بابا كان فاضله حاجة بسيطة ويجي وقعدت اطلع في اي حاجة من الدولاب وامسح انا واختي بس اذ فجأة بابا يجي ويلاقي التلاجة بالمنظر دا الارض مليانه ماية وطبعا بابا قعد يزعقلنا واحنا نعيط بس لحد ماما ما جت ومسحت الارض بقى وبس كدا

واما افتكر حاجة تانية حقولها

Guest

غلابه يا عينى

Guest

انا مش فاكرة حاجات كتير
بس بطبيعتي انا كنت طفلة هااااااااااادية جداااااااااا
المهم مرة كنا في بيتنا التاني في العجمي وبعدين النور اتقطع وكنت حوالي عندي 5 سنين راحت ماما مولعة شمع وانا كنت ماسكة شامعة وعايزة اولعها واقعدت ازن لغاية اما ولعتها وقاللتي اديها لعمرو اخوكي
وانا اديها لعمرو ليه روجت انا جايبة كبااااااية وحطيت الشمعة وحطيتها جنب التلفزيون ومافيش دققتيت وكان التلفزيون بيولع وبيعمل بوووووووووووووم
وانا كنت بقول لماما ده عمرو عمرو اللي عمل كدة
مش بقوللك طفلة هااااااااااادية

Guest

ههههههههههههههههههههههههههه هو فيه اهدى من كدا

حرقتي التليفزيون وكمان بتكدبي وتقولي اخوكي

Guest

اعمل ايه يعني انا اضرب ولا هواللي يتزعقلوا
ههههههههههههههههههههههههههههه
هو كبير وانا صغيرة............بس اليوم ده اترنيت عالقة مش من بابا ولا ماما لا من عمرو كان بنتقم مني ههههههههههههههههههههههههههههههههههههه
كوارثي كلها كانت مع عمرو

Guest

هههههههههههههههههههههههه احسن تستاهلي

Guest

عاد ادهم من جديد

وانا صغير قبل ماخش المدرسه كنت قاعد مه ستى الله يرحمها .....هى كانت ف المطبخ ست كبيره ...وانا ف اوضه النوم سارق منها كبريت عشان كنت مؤذى بعيد عنكم نييييههههااااااااااا

لقيتها معرفتش انى سرقت منها الكبريت وولعت البوتجاز بكبريت تانى فكرت ازاى اغيظها
رحت مولع ف مرتبه السرير وستاره الشبااااااااااك

طننننننننن

لقيت الموضوع وسع منى رحت رايح واقف جمبها وسكتم بكتم ع الحادثه دى عشان خوفت
مره واحده جدتى لقت رجاله بيكسروا الباب قعدت تزعقلهم ...واتجهوا ناحيه اوضه النوم يطفوا الحريقه اللى كانت اخترقت الشباك والشيش ووصلت للناس ف الشارع
.............
ودى كانت نهايه بيت احمد سمير ههههههههه
حد عنده شوق ف حاجه

Guest

ههههههههههههههههههههههههههههههههه
طب كويس ان انا ولعت في التلفزيون بس
مش في البيت كله
لا مؤذي مؤذي

Guest

ههههههههههههههههههههههه ايه دا يا ادهم دا انت كنت مشاغب اوووي