ليه البنات دايما بتحوروا ع الشباب...؟؟

Guest

بمناسبة البنات وغتاتتهم المشهوره بيهم
ودي حاجه عاديه محدش يضايق منى
فعايز اكلمكوا فى موضوع مهم

ألا وهو

فى بنات كتير لما تيجى تطلب منهم رقم تليفونهم او او ايميلهم
والواد بيطلب طلب زي ده بحرص .. ولو حس ان البنت ممكن تضايق
فبيقولها لو هيضايقك الموضوع ده مفيش مشكله ... البنت مش بتتردد ثانيه
وتقوله مفيش مشكله عادي وتديله رقم موبيلها او ايميلها حسب طلبه
ويأكدلها تانى مش هيضايقك .. يعنى أكلمك فى اي وقت ولا اوقات واوقات
تقوله عادي اتكلم فى اي وقت يا ابنى أحنا أخوات

حلو الكلام كده لغايه دلوقتى
:
:
يفاجأ بعد كده الولد لما يرنلها ولا تعبره مره فى التانيه والتالته
ولما يقابلها يقولها ايه مرنتليش ليه .. تقوله للاسف مكنش معايا كردت
وقال يعنى مثقفه أوى ... وتكون بتتكلم مع كذا حد وأكن هما اللى بيتصلوا

الموضوع يعدى ومفيش مشاكل
:
:
يفكر مره الواد يلجألها يتصل بيها مره والتانيه والعاشره ولا تعبره برضه
او يا أما تقفل الموبيل يعنى حاجه زي كده

ويحاول يوصلها تتهرب منه ولما يشوفها بالصدفه ويقولها ليه مكنتيش بتردى عليا
وليه قفلتى الموبيل ... تبدأ تحور فى اي حاجه اصل كان ابويا جنبي
قرايبي كانوا كلهم جنبي ..(على اساس انها ممكن تدخل تكلمه من حته تانيه وتشوف عايز ايه وشكرا) او تقوله مثلا كنت عملاه سيلنت ومختش بالى .. وطبعا لما يسالها طب لما شوفتى مكلماتى ما اتصلتيش انتى ليه ... طبعا تقوله كلمتها المعهوده .. اصل مكنش معايا كردت

ونفس الكلام بالنسبه للايميل .. تديله اميلها ولما يفتح ويكلمها ماتردش عليه
او تعمل اوف لاين ولا تعبره .. لييييييييه مش عارف..؟؟

طب انا عايز افهم ايه السبب فى كده ... مليون فى الميه لو هيه بنت جدعه
تقوله حاجه بسيطه .. متأسفه جدا مقدرش اديلك رقمى او ايميلى او ....الخ

كلمتها دي هتخليه يحترمها أكتر مليون مره على اللى ادتله رقمها وساءت فى عدم التقدير واللمبالاه ... وخلت شكلها وحش جدا .. طب ليه البنت تحط نفسها فى الموقف الزباله ده.؟

ليه تديله الرقم عشان تحور ... المشكله مش مشكله رقم او ايميل ... مهو زمان
مكنش فى لا موبيل ولا ناس بتقعد عالنت وبرضه كانت فى عادة عن البنات برضه
بعدم التقدير واللمبالاه ... وحاجات من هذا القبيل

بجد إزاي الشاب يامن للبنات وبرضه مش بقول كل البنات بالشكل ده
زي ما فى بنات مش كويسه فى شباب مش كويسه

بس احنا بنتكلم عن طبقه البنات دووووووووول
:
:::
::
تعالوا نتكلم بصراحه وعايزيين رأي كل واحد في الموضوع ده
والبنات برضه ترد وتدافع عن نفسها .. يمكن نوصل لحل
ولو فى بنات بتعمل كده تقولنا بتعمل كده ليه
مع العلم ان مفيش بنت هتقول على نفسها كده
بس أدينا بنقول

Guest

ايه التوبك المريض ده ........بس نرد برضه

اولا اتعلم............لا تطلب ايميل ولا موبايل ولا اى زفت من اى حد الا لما تتاكد من قربك ليه او ليها
...ولو حتموت وتاخده من باب الحك مثلا
....يبقى يتم بالطريقه ..وبالخباثه وياحبذا تخليها وتسوقها انها هى اللى تقولك عشان ميحصلش فيك كل اللى انته قلته ده
وانته شكلك مبقوق يا حرام

Guest

بص انا كنت كدا فى ثانوى الصراحة
اتدبست واديت موبايلى لولاد فى الدرس
ساعتها اتكسفت اقول لاء لان كل البنات اللى وقفين اخدوا الارقام وكدا
فااتكسفت اقول لاء يتقال عليا بقا معقدة والحورات الهبلة دى
غير ان لما ولد يطلب بذوق وكدا ممكن البنت مترضاش تكسفوا
مع ان الحوار بيبقا صعب عندها
بس انا بصراحة لما ادبست وكدا كنت برد بس لو اتصل فى وقت باليل طبعا مكنتش برد
يعنى مرةواحد فيهماتصل الساعة 2 باليل وفعلا كان بابا اعد جنبى كنسلت عليه طبعا
اتصل تانى يومقولتله ميتصلش تانى خااالص بقا
وبعد كدا غير رقمى خااالص
فتعلمت بصراحة من الموقف دا مديش رقمى لاى شخصية ولو اديتها يبقا بفهمه انى مش بعرف ارد اى وقت وانه ميتصلش بيا غير فى الضرورى اوى
بس فى الايميل لا عادى الايميل عندى مش زى الموبايل خاااالص

Guest

ردا على كلامك يا أدهم : انا على فكره مطلبش نمره ولا ايميل من حد نادرا لما بقول للبنت حاجه زي دي
ولو هطلب حاجه زي دي ... لازم يكون فى علاقه وثيقه ما بينى وما بين الشخص
اللى هاخد منه النمره او الايميل .. ما يفرقش معايا ولد ولا بنت ...

ايه لازمتها لما اخد نمره من واحده ولا واحد وانا هركنها بعد كده على ايه
الحياه يا معرفه يا مصالح ... وغالبا المصالح بتفوق .. وليه انا اخد نمر الناس اعتباطا

بس برضه مكدبش عليك كنت باخد نمر بنات فى الاول مش اي حد برضه

بس انا بتكلم فى نقطه معينه والحاجه دي محصلتش معايا بس
حصلت مع ناس اعرفها كمان

انا بتكلم ليه البنت تدى نمرتها لواحد وهى اصلا مش عايزه تعبره
هل تعقل دي...ابسط رد تقوله البنت الجدعه اللى تقول
والله مينفعش اديلك رقمى لاسباب حتى ماتقولش ايه الاسباب
لاسباب خاصه بيها وخلاص

مليون فى الميه .. أي حد هيحترمها .. ولو حس ان وجوده هيضايقها هيبعد من سكات
ليه هيه تبقى مش عايزه وتخلى الموضوع لسه ماشي

هل يعقل انى ادخل مطعم واطلب اكل وانا اساس مش جعان
مهى هتدفع تمن اللى طلبته ده

نفس الكلام لما هيه مش هتعبره .. أكيد هو كمان مش هيعبرها
ويتعملم عليها علامه أكس انها بنت مش كويس
ومش بتقدر حد ومش مظبوطه

أرجو ان تكون وحهلا نظرى وصلت...وشكرا

Guest

رشا : انا بالنسبالى الايميل زي الموبيل عشان بتكلم فى نقطه واحده
ليه البنت تديله رقمها او ايميلها وهى اصلا مش عايزه تكلمه
واظن وضحت أكتر فى ردى لادهم

عمر ما هيكون ردك بانت انتى ماتديش رقمك لحد لو طلبه
منك تبقى بنت معقده زي ما بتقولى..
ده لو قولتى لا ماينفعش هيتقال عليكى بنت جدعه
فى حين انك مش هتدخلى نفسك فى مشاكل

وقصه 2 بليل دي حاجه تانيه ... انا ذات نفسي بكون محروج
لما بكلم واحد صاحبي فى الوقت ده..فما بالك لو بنت

هى فى الاول وفى الاخر تربيه واخلاق

Guest

طيب يا اسلاممنا رديت على وجهه نظرك دى قولت ان ممكن البنت تتكسف انها تكسف اللى قدامها دا
وخصوصا لوحد هى بتحترمه مثلا

Guest

مش عارف ليه يا رشا انتى بتعيدى وتزيدى فى الكلام
طيب همشي معاكى اتكسفت واديتله نمرتها
وهو فعلا شاب كويس

مهى هتبان له بعد كده ان هيه مش بتقدره عشان
مش بترد عليه عالتليفون .. طب ليه هيه تديله نمرتها
من الاساس مدام هيه مش هترد عليه

او ليه هيه تحط نفسها فى الموقف ده

ده الى بتكلم فيه يا جماعه

Guest

انا شايف كوبيهات وبستات

وغير كده روشا مين اللى يطلب رقمها ده ده يبقى زباللللللللللللللله

Guest

ايوة ياسلام انا بتكلم فى نقطة ادتهالوا ليه
انت قايل فى الموضوع ليه تديله الرقم عشان تحور هى مش مديهوله عشان تحور
هى مديهوله ممكن زى منا قولت
اما التحوير اللى انت بتتكلم فيه
فانا معاك ان حاجة برده الحلاقة وفعلا هتقل من نظره
احسنلها واحسنله انها ترفض من الاول لوفعلا ظروفها متنفعش
اما عم ادهم
فانا مفهمتش وجهه نظرك يعنى هههههههه

Guest

عليكى نور كده فعلا هتقل من نظره..بس اللى بيحصل
ان فى بنات كتير مفكرين ان لما يتصل ومتردش انها بتتقل
عليه شويه وعايزه تشحتفه علشان خاطر جمالها

وحتى لو هيه حلوه باللى هيه بتعمله ده مايجبش نتيجه
لان فى اول علاقه ما بينهم (صداقه عادي) هيه مقدرتوش
يبقى هتعمل ايه بعد كده

أما بالنسبه لادهم فمنين اصلا كان له وجهه نظر
هههههههههههههههههههههه

وبالنسبه لبقيه الناس فى المنتدى عايزيين نعرف
رأيهم ايه مفيش حد تانى يشاركنا معاه

Guest

اه يااسلام انت كدادخلت فى نقطة تانية
ممكن فعلا البنت تبقا وخداها من نحيه اكرف البت تحبك حب البت تكرفك
ههههههههههه
بس والله ياسلام منك نستفيد يعنى فى وجهه نظر الولاد للنقطة دى
اما موضوع التقل دا فالتقل ليه اصوله والتناكة ليها اوصولها
والله انا نفسى اخد كورس تقل وتناكة كدا عشان انا مليش فى حورات البنات دى خاااالص
هههههههههه
اما باقى المنتدى فامتستناش رد حاول تكتفى بيا بقا

Guest

عندك حق طبعا في نقطة انها ليه تديله ايميلها او رقمها وهي مش قابلة بدا بس ممكن احيانا مش بيبقى قلة تقدير ممكن مش عارفة ترد او عندها ظروف انها ترد او تتكلم في التليفون بس المفروض هي لو اديت الرقم وعندها ظروف انها ممكن مش ترد انها تبلغك مثلا انها مش هتعرف ترد في كل الاوقات او كدا
بالنسبة لي كبنت انا بصراحة مكنتش برضى ادي اي ارقامي لاي ولد في الدفعة لاني معرفوش بتبقى علاقة زمالة ومحاضرات وبس فانا موجمودة في الكلية كل يوم فمالهاش لازمة
انما لما دخلت الاتحاد وعرفت اشخاص معينة كويسين ومحترمين اي حد بيطلب رقمي مش برفض او احرجه بس مش رنات بقى وكدا لو حد عايز مني اي حاجة او اتطمئنان وخصوصا بعد ما اتخرجنا كدا يعني وانا مثلا بتصل لو فيه حاجة او حد حصله حاجة علشان بعد التخرج مش بقيت موجودة زي الاول لكن رنات وكدا مش بحبها اي حد بيطلبني من الولاد بفتح على طول لاني بعرف ان فيه حاجة ولازم ارد بالنسبة للايميل انا عادي ممكن مشكلتي مش بعرف اتكلم مع عدد كبير في وقت واحد ومعرفش اعمل لحد اوف لاين فبدخل في الاوقات اللي مش فيها ناس كتير فاتحه علشان ماتشتتش او احسس حد اني بتأخر عليه وساعات لما حد يطلبني ومش باخد بالي من الموبايل بتضايق اوي لاني فعلا الموبايل مش بيبقى جمبي في كل الاوقات وبرميه في اي حته ولازم لو الوقت مناسب اتصل اشوف فيه ايه واعتذر على عدم الرد ولو مش معايا رصيد بسيب اوف لاين لو حد معاه رقمي او ابعت بليز كول مي او لما اشحن بقى

بس دا بالنسبة لي مش بدي رقمي الا لو حد طلبه من من ناس انا عارفاها كويس وبحترمها

بس برضو احياينا البنات اللي بتعمل كدا بتبقى عندها ظروف في البيت تمنعها من انها ترد او مش بتعرف تتكلم ولا على الموبايل ولا الايميل فبتتصرف كدا بس هي غلطانه لانها المفروض كانت تعرفك دا من الاول او تديك فكرة

معلش طولت عليك وشكرااااااا على الموضوع

Guest

رشا : ردا على نظريه اكرف البت تحبك حب البت تكرفك
.. دي نظريه الشباب البيجى بيجى اللى بيروح ويجى
او الشباب الكاكى اللى بيبيض ويكاكى..ماعلينا

نظريه دي فاشله بتوع الشباب السيس أمثال تامر حستى وما شابه
انا عن نفسى ما تسواش معايا ببصله... يعنى ايه مقدرش واحد عشان يحبنى
إزاى تيجى دي ..how come

وياترى عايزه تاخدى كورس تناكه ليه .. ماتخفيش الكورس
ده بينزل مجانى على كل بنت ههههههههههههه ماتفهمنيش غلط

اما باقى المنتدى فامتستناش رد حاول تكتفى بيا بقا

وطبعا ردك كفايه مستغناش والله بس ليه المنتدى نايم كده

ضحى: من ناحية انها تعرفه انها مش بتعرف ترد عليه فى اوقات معينه ده جميل جدا
انما بالنسبه للبنت الى تدي رقمها لحد وماتعبروش .. ده بقى اللى فيها عدم تقدير

Guest

متفق مع ادهم ان ده توبيك مريض .. بصراحه آه

لأن اللى أنت بتقوله يا إسلام لا هو قاعدة ولا حتى ظاهرة
دا أسلوب معاملة بتستخدمه البنات مع نوع معين مع الشباب

الفكرة اللى لازم كلنا نفهمها ان سواء الايميل او التليفون او حتى الجوابات والتلغراف ماهي إلا وسائل اتصال
وسائل بنختصر بيها الوقت والمسافة عشان نفضل قريبين من بعض او عشان نحقق مصلحة محددة

يعني رقم فلان - سواء ولد او بنت - مش هأطلبه إلا لو كان في مصلحة او انا عايز افضل قريب من الشخص ده
غير كدة يبقى مفيش داعي انى اطلبه
وإلحاح من نوعية : انت مابتردش عليا لية وما اتصلتش لية .. إلخ ، مش هيسبب أي احراج غير للشخص اللى وقع علية التجاهل ، مش المتجاهل نفسه

اي ولد او بنت من حقه انه يدي رقمه لأي حد .. وبرضه من حقه انه يرد او مايردش
يعني ممكن ادي حد رقمي وما أدرش لمجرد انى مليش نفس اتكلم معاه دلوقت .. والله بتحصل
دي حرية شخصية .. لا هي قلة تقدير ولا حاجة
انت ممكن تطلب تزورني في اي وقت ، لكن انا مش جاهز لأستقبالك طول الوقت

Guest

أيا كان توبيك مريض ولا لا ... المهم دي مشكله حقيقيه بتحصل
وايا كان الموضوع ده بيحصل كتير ولا لا ..الا ان الموضوع ده موجود
والا مكنتش اتكلمت عنه.....

والنقطه اللى اتكلمت فيها ان ليه البنت مدام
مش عايزه تكلم الولد اللى طلب منها نمرتها
او مش حباه او مش طيقاه تديله رقمها
وبعد كده متردش عليه .. ليه هيه تحط نفسها فى الموقف ده
ده اللى بتكلم عليه ..ولاحظ ان قولت فى بدايه كلامى ليه البنت ومقولتش كل البنات

فكره الاتصالات اللى انت بتقول بنختصر بيها وقتنا
فساعات الواحد وسيلته الوحيده عشان يقابل الناس
بتبقى عن طريق الايميل او الموبيل نظرا لاسباب تخصه

وطبعا بالنسبع لموضوع المصلحه فدي نقطه مهمه جدا وخطيره
ان الناس دلوقتى مبقتش تعرف بعض الا عشان مصلحتها
اي بمعنى أصح انتهى دور الصداقه والمحبه والمعرفه والكلام الفاضى ده

وردا على ..... انت مابتردش عليا لية وما اتصلتش لية .. إلخ ،
مش هيسبب أي احراج غير للشخص اللى وقع علية التجاهل ، مش المتجاهل نفسه

هيه اه حاجه محرجه زي ما مثلا تيجى تسلم على حد ومايسلمش عليك
انا اه اتحرجت بس العيب مش جاي منى ...انا بتصل اطمن على حد
بس اللى بتصل بيه او بيها مردتش ... هيه دي الفكره ...عرفت العيب جه منين

وردا برضه على كلامك ده......

اي ولد او بنت من حقه انه يدي رقمه لأي حد .. وبرضه من حقه انه يرد او مايردش
يعني ممكن ادي حد رقمي وما أدرش لمجرد انى مليش نفس اتكلم معاه دلوقت .. والله بتحصل
دي حرية شخصية .. لا هي قلة تقدير ولا حاجة
انت ممكن تطلب تزورني في اي وقت ، لكن انا مش جاهز لأستقبالك طول الوقت

طبعا حريه شخصيه وليك حق فى انك تعمل كل ده
بس لازم تقدر اللى بيتصل بيك او اللى جي يزورك
وتقوله ... مش هينفع اتكلم دلوقتى
او مش هينفع اقابلك دلوقتى
ممكن تخليها تانيه...؟

يارب تكون وجهه نظرى وضحت .
.واكون اقدرت اوصلك واوصل للناس
انا بتكلم عن ايه ..... وشكرااا
[/b]

بعيدا عن كل ال انتوا بتقوله
اولا..انا لا عمري طلبت و لا هطلب ارقام تليفونات بناتو البنات ال معايا ارقام تليفوناتهم يا هما ال بيطلبوها يا بتيجي بالصدفة
ثانيا..انا بصراحة مبقيتش اسال لا علي ولاد و لا علي بنات و لا عمري في حياتي كلها بستعمل نظرية الرنة دي ال بعتبر ان اي حد مثلا متفق انه يرن لحد معين كدة لمجرد الرنة..انه تافه
ايه الرنة دي..لو عايز فلان كلمه مش عايزه شكرا..الا لو الرنة دي علامة لحاجة
يعني مثلا قايله لما هبقي تحت البيت هرنلك
لكن عمال علي بطال رنات و صداع و وجع دماغ
ثالثا...متحطش نفسك في موقف ان بنت مثلا تيجي تقولها رقم تليفونك فتلاقي وشها اتغير و مش عايزة تحرجك..هي لو عايزة تديهولك هتديهولك و هي لو ناضجة و دماغها كبيرة هتفتهم ان عملية تبادل ارقام التليفون مش محرجة و لا حاجة و هي ال هتيجي تديهولك بنفسها و ووقتها مش هتخاف ان حد يقول انها بتدي ارقام تليفوناتها لولاد لانها مش بتتعامل مع مراهقين..و بيني و بينك التليفونات اصلا مبنحتاجهاش الا في الضروروة القصوي الدنيا كلها متواصلة مع الفيس و الياهو
خامسا..ردا علي سؤالك..في بعض البنات اهاليهم ال عندهم فوبيا الشباب بيبصوا في تليفوناتهم من وراهم..فدا ممكن يكون سبب انها مثلا عطيتك رقمها عشان متحرجكش و في نفس الوقت هي مش مسجلاك عندها..و فعلا ال انت بتقوله بيحصل و انا افضل ان البنت تكون واضحة و صريحة من الاول و تقولك مش هينفع و الافضل من كل دا..انك متطلبش ارقام تليفونات بنات الا ال معرفتك بيهم وثيقة و متحسسش اي واحدة(و هنا قصدي علي ال معرفتك بيهم جديدة) مهما كانت انها مهمة اوي و انك متقدرش نعيش من غير رقم تليفونها..كبر دماغك و لا تطلبه مباشرة و لا باساليب الحك الملتوية زي ما قالك ادهم[b]

Guest

انت دخلتنا فى مواضيع يا ايهاب .... وبتقول ماتطلبش ارقام بنات الا لما تكون عارفهم أوى
طيب منا الكلام ده رادد عليه ...وموضح وبقول انا اصلا مش بطلب ارقام بنات ولو في
يبقى حد اعرفه أوى والكلام ده .... ولا حك بلا ولا بتروزفت....

أما بقى البنات اللى بتدى ارقامها للولاد عشان ماتحرجهوش
وابوها فى البيت بيفتش وراها... طب ما دي تبقى عبيطه
وتودى نفسها فى داهيه ... حتى لو مش سيفه الرقم لو اتصل بيها حد
وابوها رد عليه ... هتحصل مشكله...فليه متكونش صريحه ...
دي هنقدرها أكتر .. لكن تعالى انت كده نفرض انت يا ايهاب أخدت نمره
من واحده وقولتلها مفيش مشاكل ان انت تاخد النمره ... قالتلك اه
عادي وزي الفل .... هوب ولا بترد ولا بتكلمك ولا حاجه ... طب ليه ادتلك النمره
من الاول .... ولا ده يمكن يكون مرض نفسي

Guest

روشا........بمناسبه كورس التناكه والعوجان ,,,,25 جنيه ف الساعه ززوعشان انتى حبيبتي والحته اللى ف الشمال تدفعى اللى تدفعيه ف سبيل انشر رساله مهمه وهى (كيف تصبح اليط).

كلام مرسي حلو وردوده ع الناس احلى من اصل التوبك ......يظهر ان انتهمن نوعيات تتالق ف حلقات النقاش

Guest

الله يكرمك يا أدهومتى .... منكم نستفيد يا باشا

علي فكرة انا مقريتش ردود حد فمشفتش انت كنت رديت قولت ايه علي مين
ثانيا..انا اصلا مبقيتش اتصل بحد
ثالثا..لو في سبب معين استدعي اني اتصلت بيها و مردتش عليا بسبب حسيت من خلاله انها عطيتني رقم تليفونها و هي محرجة(مع افتراض اصلا ان دا هيحصل لاني مبطلبش ارقام حد) عمري ما هتصل بيها تاني بعد كدة و همسح رقمها في وشها قدامها..بس يا سيدي..
رابعا..الموضوع اصلا مش محتاج تعمله توبيك لانها مش مشكلة في حد ذاتها..

Guest

اولا : ولا يهمك عادي يا صداقه بس كنت بوضحلك وكمان عارف انك بتقرأ الموضوع من اوله لاخره

ثانيا : على يدى .. انت لابقيت تتصل بحد ولا سبت حتى هههههههههههه

ثالثا : مجنون وتعملها ... بس انا بقى مش هعمل زيك انا هتجاهلها تماما مش لازم اروح عنها
وامسح رقمها فى وشها وتقعد تبررلى او تتعتذرلى ... بتبقى خلاص مش طالبه انى اتعامل معاه او معاها

رابعا : عادي ... مش لازم تبقى مشكله كبيره او بتبقى صفه فى كل البنات
بس أهو توبيك والناس بترد على قدر المستطاع ... وفى ناس تانيه نايمه جدا
ومنيمه الجروب معاها .. انا حطيت كذا توبيك ... كذا رد بيترد وبعدد كده التوبيك انتهى
فالواحد يريح نفسه بقى وماينزلش توبيكات ... ليه نتعب نفسنا عالفاضى

Guest

ايهاب بدل ميسحب الناس للمنتدى
بيطفشهم

لا يا مرسي اكتب اكتب واحنا نقفلك عادى
متبطلش عشان احنا كنا منبطلش ضحك
بليز

Guest

هههههههههههههههههههههههههههههههههههه

سبحان الله فيه كل العبر و بيتريق علي الناس..طب انا اطفشهم و انت اجذبهم يا ملزق

Guest

لا يا عم انا احط ع الواحد من دول يخش يضحك بعد تعليقى ...زى محصل

انته تتكلم بس تلاقيه الواحد من دول رد عليك رد وهو مش طايقك
معلش امكانيات زمهارات فرديه

» حوار مفتوح بين الشباب والبنات