حوار مع النفس

حوار جميل اوي يا ايهاب ياريت اقدر اعمل الحوار دا مع نفسي
عايزة اقولك اني اتاثرت اوي معرفش ليه وغصب عني لقيت دموعي بتنزل يمكن لاني مخنوقة ومش عارفة مالي
على فكرة انا مريت بفترة كنت مخنوقة برضو من الناس كلها ومش عايزة اشوف حد حتى اللي معايا في البيت بس جه عليا وقت مكنتش عارفة مالي ولا عارفة فيا ايه كانك بتتكلم عن نفسي بس الحمد لله مريت منها وعدت واحيانا بيجيلي الشعور دا بس بيعدي بتبقى حالة اكتئاب او ملل زي ما بتقول بس بتبقى فترة مش طويلة يعني

كلامك عن الصداقة حسيته اوي لان برضو جوايا كلام عنه كتيييييييييير وخصوصا الايام دي لان فيه واحدة صاحبتي من زمااااااااااااااان اسمها شيماء اد ايه كنت بحبها وكنا شلة جميله انا وهي وشيماء تانية ومي واحنا صغيرين وكبرنا واحنا صحاب كانت من اعز اصدقائي وفجاة بلاقيها بتتغير وبايعانا اوووووووووووووي ليه ما تعرفش ليه الناس بتتغير اوي كدا ليه اما كنت في الكلية تحس ان ناس كتيييييير اوي صحابك ويقولولك اما نتخرج هنبقى نتصل ونتواصل وتكتشف ان كله علشان المحاضرات وماتطلعتش بصحاب غير الاتحاد وكام واحدة من الدفعة

بجد يا ايهاب الناس بقت صعبة اوي في ايه مش عارفة ليه الصداقة والعشرة بتتنسى ليه بقينا بنهون على بعض ليه مابقاش فيه ثقة وترابط زي الاول

اما افتكر اني في واحدة صاحبتي وبحبها اوي وبسال عليها رغم انها مش بتسال وبحاول يبقى فيه تواصل مع انها كانت اول واحدة تقولك هنفضل صحاب على طول ونتقابل ومش هننسى بعض دا انتي حبيبتي وصاحبتي والاقيها ولا بتسأل ولا تتصل رغم سؤالي عنها كل شوية بس وقفت الاتصال لاني مالقتش منها اهتمام واتفاجيء على الفيس انها اتخطبت دا اسميه ايه كانت معرفة مصلحة وكلية وبس وكل كلامها كان كدبة كبيرة انا صدقتها

وبلاش نتكلم عن الصداقة خلينا في الاهل والناس اللي من دمك اما واحدة قريبتك تفتحلها بيتك وتعاملها معاملة كويسة اخواتها نفسهم مش بيعملوها كدا ومعملتش في حياتك حاجة وحشة معاها وتعديلها اخطاء وحاجات كتييير وتلاقيها كأنها شيطان بجد مش عارفة اقول ايه حتى خلانك وعمامك بنشوفهم في السنة مرة وبالصدفة في ايه للدرجة دي مافيش ترابط

عارف يا ايهاب انا بابا بيجيبلي شغل وانا بخاف وبقوله لا مش دلوقتي خايفة من الناس اللي هتكون معايا خايفة حسه اني بقيت مش عايزة اعرف ناس جديدة لاني مش عارفة هيبقوا كويسين ولا لا لابسين قناع ولا على حقيقتهم بقول اذا كان ناس عاشرتهم وعرفتهم ولاقيت فيهم ناس مزيفة امال بقى لما تشوف ناس جديدة هعرفهم ازاي ؟

يا ايهاب المشكلة بقت في الناس كلها لدرجة ان الواحد بقى يشك في نفسه ويحس انه وحش اوي لانك تحس ان الناس بقت بتتحول كدا مش عارفة اقولك ايه بس اللي انا شايفاه ان الناس بعدت عن دينها وبعدت عن ربنا علشان كدا تاهوا ومش عارفين بيعملوا ايه وناسيين كل حاجة انا يمكن بفضفض معاك شوية عايزة اخرج جزء من اللي جوايا

ملحوظة اتمنى مش اكون من الناس اللي قصدك انهم بعد ما اتخرجوا مش بقوا يسألوا او كدا لاني مش اكدب عليك حسه بالتقصير لاني مش بحضر تجمعات معاكم بس والله لما بقدر بنزل وبتبقى ظروف عندي لانكم اكيد عارفين غلاوتكم وكفاية اني لما بشوفكم بنسى الدنيا والمشاكل كلها وبقضي احلى وقت معاكم فلو حد زعلان مني علشان مش بحضر اي تجمعات اخيرة اعذروني وسامحوني

كلامك عن الموت يااااااااااااااااااريت الناس كلها توصل ولو لكلمة واحدة من اللي قولتها الناس مشغولة بجمع الفلوس حتى لو على حساب ناس تانية وناسيين اخرتهم ناسيين لما يقفوا قدام ربنا هيقفوا قدامه يواجهوه باللي عملوه ازاااااااااااي ربنا اللي خلقك اللي سخرلك كل حاجة علشان تخدمك وتساعدك اللي عطاك قوة وصحة وعقل و و و و ونعم لاتعد ولا تحصى دا احنا لو عشنا عمرنا كله بنشكر ربنا وبنعبده طول حياتنا مش هنوفي جزء صغير من حقه علينا الناس مش فاهمه دا يا ايهاب لو فكروا في الموت مكنش دا هيبقى حالهم هما ناسيينه والمشكلة انهم هيلاقوه بس بعد فوات الاوان ربنا يهدينا جميعااا يارب ويحسن خاتمتنا انا طولت عليك

بشكرك على الفضفضة دي لانك اتحتلي الفرصة اني افضفض شوية واسفة لاني طولت عليك وربنا يوفقك ان شاء الله في حياتك كلها وربنا يكرمك يارب وان شاء الله تتخرج على خير السنة دي وربنا يوفقك في الكورس ومش عايزاك تبقى زعلان مني علشان انا مقصرة معاكم شوية وان شاء الله اشوفكم على خير
وشكرا على الحكمة الاخيرة دي

شكرا على الفضفضة وانك اديتني فرصه افضفض شوية

الموضوع حلو اووووووووي يا ايهاب
وبجد ربنا يفرج عنك همك وهمومنا كلنا
طبعا انا اول واحده معترفه بالتقصير جدااااااااااااااا
بس بجد انتم لازم تعذروني وتلتمسوه ليا اوووووي كمان
اولا . النت مش كان متوصل عندي
ثانيا . التجمعات انا اصلا من البدايه قليل اوي لما كنت بحضرها وكانت بطلوع الروح بالنسبه لبابا يعني
ثالثا . ان في حاجه دخلت في حياتي جديده غيرت ليا حياتي كلها
هو الاول طلب مني إن مافيش حاجه اسمها صداقه بين بنت وولد أنا قلتله ماشي ووعدته بكده
وبعدين مش حافظت علي الوعد ده وبما إني مش بكدب ولا بعرف اخبي لما سألني انتي بتنفذي وعدك ؟ وقلتله لآ
طبعا حصلت مشاكل كتير اوي بينا ووالله كنت هتوصل لمرحله الانفصال . فبما إني ماحفظتش علي الوعد اول مره إضطريت ومن غير نقاش إني اوعده والمره دي كانت بجد اوي
هو اللي كان مصبرني ان الكليه خلصت وان النت مش موجود ، بس طبعا الموضوع عندي لسه ما انتهاش وللحوار بقيه

ممكن يكون ده سبب للتقصير بس مش اساسي
السبب الاساسي واللي ايهاب اتكلم عنه بإستفاضه هو المـــــوت
لان بجد بعد ما جدتي اتوفت وانا كنت قاعده جبها بعد ما اتوفت علي طول وبقرالها قران
حسيت للحظه اني ممكن اكون مكانها ، ودخلت في حاله لايعلمها إلا الله
بجد جالي احساس ان الموت قريب اوووووووي مننا ، واني وبالرغم من اني في الفتره الاخيره دي قربت لربنا اوي الحمد لله
حسيت اني مقصره وما عملتش حاجه لاخرتي ، فبدات والحمد لله احافظ علي الفروض اكتر والسنن اكتر
واكتر في قيام الليل والقران ، المهم إني قعدت حوالي 3 اسابيع في الحاله دي رعب وعياط وارق
لحد الحمد لله لما خرجت من الحاله دي وعدت علي خير


وإذا كان علي الناس . فهما دول ومش هتيغيروا وهيبقوا من اسوأ لأسوأ علشان يتحقق كلام الله ورسوله (ص)
إن علامات يوم القيامه بتتحقق وانها قربت اوووووي

وبجد هنصحكوا نصيحه .. اوعوا تضايقوا نفسكم علي حاجه في الدنيا ابداااااااااا لان اللي عند ربنا خير وابقي
الدنيا مش مستاهله اننا ننزل دمعه عليها خالص إلا لو كانت من خشيه الله

فبجد يا اجمل شله محدش يزعل مني اوي يتهمني بالتقصير لاني عارفه ده والله
بس اللي كنت عارفاه ومتاكده منه انكم هتلتمسولي العذر وتقدروا ده كويسه
وعمر الارتباط ما هياخدني منكم ابدا ، الموضوع اني بحافظ علي عهد خدت مع ربنا قبل نفسي
وزي ما قلتلكم للحوار بقيه

موضوع حلو اوووووووي يا ايهاب
ثااااااااااااانكس علي الفضفضه الحلوه دي

وربنا معاكي يارب يا ضحضح
ويوفقك في حياتك يارب

ربنا يهدينا جميعا ويغفر لنا يارب ويرزقنا حسن الخاتمة

بس للتوضيح انا عايزة اقولك ان بابا مش كان عنده اعتراض اني اجي اول مرة في رمضان والدي كان تعبان وهو كان عايزنا معاه ونتجمع في الفطار قولتله ومش قالي لا قالي انا هبقى قلقان عليكي وافطري معايا وكنا نعتبر في بداية رمضان وانا مقدرتش اقوله لا لازم انزل وتاني مرة انا كنت جاية فعلاااااا وربنا يعلم وحتى عرفت هبة وعلا بس عمامي كانوا جايين يوم الجمعه وانا بساعد مامتي مكنش ينفع اسيبها زائد ان فاطمة مكنتش هتقدر تيجي فالموضوع اتلغبط معايا تماما وربنا يعلم اني كنت هموت واجي يوم الجمعة اللي هو الفطار التاني الاعتراض مش من بابا بس والله بتبقى ظروف ان شاء الله انا ناوية اي تجمع في الكلية هاجي فيه ومش عايزاك تزعل مني انا عارفة اني قصرت معاكم الفترة الاخيرة بس تبقوا عرفوني بميعاد التجمع في الكلية وان شاء الله اشوفكم على خير

معلش صبري لسه واخدة بالي من كلامك وشكرا لاهتمامك ومعنديش مشكلة ممكن اما نتجمع ان شاء الله تشرحلنا كلامك او لو فيه كلام معين ممكن يفيدنا كلنا ممكن تعملنا موضوع بيه